السيسي رئيساً

أحمد عماد  عماد

ترشح السيسي للرئاسة هو المخرج الوحيد للوضع الراهن شديد السوء

اعلم ان العبارة السابقة كافية بحصولي علي كل الشتائم اللي اعرفها و اللي لسه معرفهاش

صديقي العزيز لحظة من فضلك

هل تستطيع ان تصف لي وضع البلد اذا تم انتخاب رئيس اخر ؟

كيف يمكن حكم بلد لها رأسان ؟

ماذا اذا اختلف المنتخب مع المحصن دستوريا ؟

طيب رد فعل المنتخب ايه لما وزير الدفاع الامريكي كل كام يوم يتصل بالجنرال

لو عرفت تجاوب علي الأسئلة دي بحل يحمي البلد من التمزيق ارجوك اكتبهولي في كومنت لو مجاوبتش يبقي انزل انتخب الجنرال عشان نخلص من الموقف ده

في ناس لسه بتسبلي

طيب حتبقي عامل ايه لو تم انتخاب رئيس طرطور برفان كده لا بيهش ولا بينش

و فضل السيسي هو اللي بيحرك الامور في الخفاء

 اللي بيحارب الكل اكيد لازم يخسر و خصوصا لو كان مش مستعد لاي حل والرفض هو الشيء الوحيد اللي بيقدر يعمله

شئنا ام ابينا فالسيسي له شعبية جارفه في الشارع سواء ده اقتاعاً بشخصية السيسي او لرغبة في رجوع الاوضاع الي الاستقرار المفقود من 28 يناير 2011. طيب هو السيسي عنده خطة واضحة للاصلاح او برنامج حيتم تنفيذه لاصلاح اجتماعي واقتصادي وسياسي في بلد علي حافة التمزيق؟

صراحة انا معنديش فكرة عن خطته واعتقد انه معندوش خطة واضحة المعالم لاي اصلاح

طيب في ظل الاتهامات العنيفة من الاعلام عن ان كتير من الثوار ممولين و عملاء و ميهمهمش مصلحة الوطن والطرف التاني شايف ان كتير من مكتسبات الثورة بدأت تضيع  واولها حق التظاهر و بما ان التغيير العنيف اثبت فشلة في حل مشاكل هذا البلد المتفاقمة يبقي الحل في التغييرات من داخل النظام في نفس الوقت المحافظة علي سقف الحريات المرتفع بس ده مش عايز قعده علي النت والنزول للتظاهر وخلاص لا ده عايز حملات لكسب ثقة المواطنين وتوعيتهم بحقوقهم  والضغط لتحسين جودة التعليم والوعي السياسي العام ليه بقي؟؟!!

لاني في النهاية مش عايز بعد المدة الاولي للسيسي يرجع يغير الدستور و يزرعلنا مدد زي ما السادات عمل  كان في مشهد شفته في فيلم اسمه

–The Sum Of All Fears –

المشهد لواحد من النازيين الجدد بيقول ايه بقي مشكلة هتلر (الله يحرقه) انه حارب امريكا و الاتحاد السوفييتي في نفس الوقت و بالتالي خسر من اكبر قوتين في حين انه كان ممكن يخليهم يدمرا بعض في الوقت اللي هو بيستعد فيه للطرف اللي حيطلع منتصر ومنهك من المعارك

في الاخر انا باؤيد ترشح السيسي للرئاسة

Print Friendly
This entry was posted in أحمد عماد and tagged , . Bookmark the permalink.

One Response to السيسي رئيساً

  1. ahmed mostafa says:

    tesada2 akna3teny !

Comments are closed.